வகுப்பு:6.ஆம் வகுப்பு
பாடம்: தமிழ்
தலைப்பு: இலக்கணம் - நால்வகைச் சொற்கள்
நாள் : பிப்ரவரி நான்காம் வாரம்
(21-02-2022 முதல் 26-02-2022 வரை)
1.அறிமுகம்:
நம் அன்றாட வாழ்வில் பேசக்கூடிய அனைத்துச் சொற்களும் பொருள் தரக்கூடியவையா? என்ற வினாவைக் கேட்டு மாணவர்கள்கூறும் விடைகள் மூலம் பாடத்தை அறிமுகம் செய்தல்.
2.படித்தல்:
இலக்கண வரையறைகளை ஆசிரியர்,சொற்களின் பொருள் விளங்குமாறும், நயம்படவும் சொற்களைப் பிரித்துப் படித்துக் காட்டுதல்
ஆசிரியரைப் பின்பற்றி மாணவர்களும்,அவ்வாறே இலக்கண வரையறைகளைப் படித்தல்.
தமிழ் சரளமாக வாசிக்கத் தெரியாத மாணவர்களுக்கு, இரண்டெழுத்துச் சொற்கள், மூன்றெழுத்துச் சொற்கள் என எளிமையான சொற்களை எழுத்துக்கூட்டி வாசிக்கக் கற்றுக் கொடுத்தல்.
எழுத்துக்களையே சரிவர இனங்கண்டு படிக்க இயலாத மாணவர்களுக்கு,உயிர் எழுத்து மெய் எழுத்துகளை சொல்லிக் கொடுத்து,வீட்டில் பயிற்சி செய்துவரச் சொல்லுதல்.
3.மனவரைபடம்:
4.தொகுத்தலும்,வழங்குதலும்:
ஓர் எழுத்து தனித்தோ, ஒன்றுக்கு மேற்பட்ட எழுத்துகள் தொடர்ந்தோ பொருள் தருமாயின் அது சொல் எனப்படும்.
இலக்கண அடிப்படையில் சொற்கள் பெயர்ச்சொல், வினைச்சொல்,இடைச்சொல், உரிச்சொல் என நான்கு வகைப்படும்
ஒன்றன் பெயரைக் குறிக்கும் சொல் பெயர்ச்சொல் ஆகும்
செயலைக் குறிக்கும் சொல் வினைச்சொல் ஆகும்
பெயர்ச் சொல்லையும் வினைச் சொல்லையும் சார்ந்து வரும் சொல் இடைச் சொல் ஆகும்.
பெயர்ச்சொல், வினைச்சொல் ஆகியவற்றின் தன்மையை மிகுதிப்படுத்த வருவது உரிச்சொல் ஆகும்.
5.வலுவூட்டுதல்:
ஆசிரியர் சில சான்றுகளைக் கூறி, அவை எவ்வகைச் சொற்கள் என்பதை மாணவர்களைக் கண்டறியச் செய்து, கற்றலுக்கு வலுவூட்டுதல்.
6.மதிப்பீடு:
மாணவர்களிடம் பின்வரும் வினாக்களைக் கேட்டு அவர்களது கற்றல் அடைவுகளை மதிப்பீடு செய்தல்.
சொல் என்றால் என்ன?
இலக்கண அடிப்படையில் சொல் எத்தனை வகைப்படும்?
இலக்கண அடிப்படையிலான சொல் வகைகளைக் கூறுக
வந்தான் என்பது எவ்வகைச் சொல்>
7. குறைதீர் கற்றல்:
கற்றலில் குறைபாடு உடைய மாணவர்களைக் கண்டறிதல்.
படித்தல், எழுதுதல் உள்ளிட்ட அடிப்படைத் திறன்களில் குறைபாடு உடைய மாணவர்களைக் கண்டறிந்து அவர்களுக்கு எளிமையான செயல் திட்டங்களை உருவாக்கி படங்களைக் கற்பித்தல்.
எழுத்துகளை இனங்கண்டு எழுத்துகளைக் கூட்டி படிக்கும் திறன் குறைந்த மாணவர்களைக் கண்டறிந்து, அவர்களுக்கு அடிப்படை எழுத்து பயிற்சி வழங்குதல்.
பாடக் கருத்துகளை மீண்டும் சுருங்கக் கூறி மீள்பார்வை செய்து,
கற்றலில் ஏற்படும் குறைபாட்டைக் களைதல்
8.எழுதுதல்:
பாடப்பகுதியில் தரப்பட்டுள்ள மதிப்பீட்டு வினாக்களுக்கான விடைகளை எழுதி வரச் செய்தல்
9.தொடர்பணி:
செய்தித்தாளில் விளையாட்டுச் செய்தி ஒன்றைப் படித்து, அதில் இடம்பெற்றுள்ள நால்வகைச் சொற்களை எழுதி வரச் சொல்லுதல்
கற்றல் கற்பித்தல் துணைக்கருவிகள்:
படவீழ்த்தி
கணிப்பொறி
பாடப்புத்தகம்
கரும்பலகை